Marg‘ilon shahridagi nemis tilini chuqurlashtirib o‘qitishga ixtisoslashtirilgan 6-umumta’lim maktabining sakkiz nafar o‘qituvchisi Germaniyada malaka oshirib qaytdi. Ular bilan birga borgan maktabning 13 nafar iqtidorli o‘quvchisi germaniyalik tengdoshlari bilan yaqindan tanishish hamda yuzma-yuz muloqot qilish imkoniyatiga ega bo‘ldi. Bu haqda “Xalq so‘zi” xabar berdi.
Xabarda ta’kidlanishicha, keyingi yillarda ushbu o‘quv maskanining Germaniyadagi ta’lim muassasalari bilan hamkorlik aloqalari ko‘lami kengaymoqda. Xususan, mazkur mamlakatning O‘zbekistondagi elchixonasi tomonidan eng zamonaviy audio va videoqurilmalar, kompyuter jamlanmalari hamda nemis tilidagi o‘quv qo‘llanmalari tuhfa etilgani maktabning moddiy-texnik bazasini yanada mustahkamlashga xizmat qildi.
Izoh (0)