Bugun,

  • USD 11095.31
  • RUB 173.84
  • EUR 10772.44

Samarqand shahrida mukofot jamg‘armasi 50 000 AQSh dollarini tashkil etgan ATP-Challenger xalqaro turniri boshlandi, deb xabar berdi O‘zbekiston Milliy Olimpiya qo‘mitasi matbuot xizmati.

Denis Istomin. Foto: foxsports.com

Denis Istomin. Foto: foxsports.com

Xalqaro turnirda O‘zbekiston, Rossiya, Gollandiya, Kanada, Chexiya, Slovakiya, Serbiya, Ukraina, Xorvatiya, Chili, Litva, Gruziya, Hindiston kabi 10 dan ziyod davlat vakillari g‘oliblik uchun bahslashmoqda.

Xalqaro turnirda birinchi raqam ostida saralangan o‘zbekistonlik Denis Istomin dastlabki bosqichda rossiyalik Anton Zaysevga qarshi kortga chiqdi. Birinchi set 6:3 hisobida Denis Istomin foydasiga hal bo‘lgan bo‘lsa, ikkinchi setda xuddi shu hisobda Anton Zaysev g‘alaba qozondi va o‘rtadagi hisob tenglashdi — 1:1.

Hal qiluvchi uchinchi setda Denis Istomin raqibidan ustun ekanligini amalda isbotladi va 6:3 hisobida muvaffaqiyatga erishib, navbatdagi bosqichga chiqdi.

Farrux Do‘stov. Foto: O‘zA

Farrux Do‘stov. Foto: O‘zA

O‘zbekistonning ikkinchi raqamli tennischisi Farrux Do‘stov esa birinchi davrada Slovakiya vakili Adrian Sikora bilan kuch sinashib, 6:1, 4:6, 6:1 hisobida zafar quchdi.

Yana bir o‘zbekistonlik Vaja Uzoqov ham dastlabki bosqichda g‘alaba qozondi. Chili davlati vakili Xans Podlipnik-Kastilloga qarshi kechgan bahsda Vaja Uzoqovning 6:3, 7:6 hisobida qo‘li baland keldi.

 

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar