Beeline’ning 2014-yil I choragida tarmoq kengayishiga qilgan sarmoyasi 21 mln AQSh dollarini tashkil etdi. Shu bilan birga mart oyining so‘ngida aloqa operatori abonentlari soni 10 422 000 kishiga yetdi, deb xabar bermoqda Beeline matbuot xizmati.
2014-yilning 14-mart kuni yetakchi xalqaro telekommunikatsion provayderlardan biri VimpelCom Ltd (Beeline savdo belgisi) I chorak bo‘yicha moliyaviy va operatsion natijalarini e’lon qildi.
O‘zbekistonda EBITDA ko‘rsatkichi (asosiy vositalarning ishdan chiqishi, aktivlarning qadrsizlanishi bilan bog‘liq bo‘lgan nomoddiy aktivlar va zararlarning amortizatsiyasini hisoblashgacha bo‘lgan operatsion foyda) yil davomida uch foizga o‘sdi. Shu bilan birga operatsiyalarning marjinalligi 64,4 foizgacha 0,8 foizli punktga pasaydi.
Yil davomida abonentlik shartnomalarining o‘sish ko‘rsatkichi qariyb 120 000 ni tashkil qildi (+1%). Bir oyda bitta abonentga bo‘lgan o‘rtacha hisob (ARPU ko‘rsatkichi) 5 dollar darajasida saqlanib qoldi. MOU (bir oyda bitta abonent tomonidan foydalanilgan daqiqalar) ko‘rsatkichi bir yil avvalgi — 425 daqiqaga nisbatan 465 daqiqaga ko‘paydi.
Beeline’ning birinchi chorakdagi birlashtirilgan daromadi 5 milliard AQSh dollarini tashkil qildi. EBITDA ko‘rsatkichi 2,1 milliard AQSH dollari darjasida belgilandi, EBITDA birlashtirilgan marjasi esa 41,6 foizdan iborat bo‘ldi.
Izoh (0)