O‘zbekiston Tiklanish va taraqqiyot jamg‘armasi “O‘zbekenergo” davlat aksiyadorlik kompaniyasiga “Navoiy issiqlik elektr stansiyasi” OAJ modernizatsiyasi uchun 150 million dollar miqdorida kredit taqdim etdi. Bu haqda “Noviy vek” nashri xabar berdi.
Kredit uch yillik imtiyozli davrni hisobga olganda 15 yil muddatga berildi. Kredit mablag‘lari stansiyani modernizatsiya qilish doirasida uskunalar sotib olishga yo‘naltiriladi. Modernizatsiya loyihasi 450 MVt quvvatga ega ikkinchi bug‘-gaz qurilmasini, gaz siquvchi kompressor stansiyasini barpo etishni ko‘zda tutadi. Shu yilning ikkinchi yarmida “O‘zbekenergo” loyiha bosh pudratchisini tanlab olish uchun tender e’lon qiladi.
Umumiy qiymati 547,2 million dollarga teng loyiha TTJdan tashqari, Yaponiya xalqaro taraqqiyot agentligining 360 millionlik mablag‘lari va “O‘zbekenergo” shaxsiy mablag‘lari orqali moliyalashtiriladi.
Izoh (0)