O‘zbekiston Kubogi nimchorak finalida “Qo‘qon-1912” va “Paxtakor” klublari o‘rtasida kechgan uchrashuv qo‘qonlik muxlislarning katta qiziqishiga sabab bo‘ldi, deb yozadi Uff.uz.
PFL rasmiy sayti tomonidan xabar qilinishicha, “Qo‘qon-1912”—“Paxtakor” uchrashuvini 10 524 muxlis stadionda tomosha qilgan. Simyog‘ochda tomosha qilganlar haqida esa hech qanday ma’lumot yo‘q. Shu bilan birga suratlardan ko‘rinib turibdiki, yana ko‘plab muxlislar stadionga sig‘may, ko‘chada qolib ketgan.
Eslatib o‘tamiz, ushbu uchrashuv 0:0 hisobida yakunlangan bo‘lib, to‘qnashuv taqdiri Toshkentdagi “Paxtakor” stadionida o‘tkaziladigan javob o‘yinida hal bo‘ladi. Shu o‘rinda ta’kidlab o‘tish lozim, “Paxtakor” stadioniga 35 ming muxlis sig‘adi va javob uchrashuvini tomosha qilishda bu kabi muammo yuzaga kelishi kutilmayapti, deyiladi Uff.uz xabarida.
Izoh (0)