13 dyuymli Samsung Galaxy Tab S planshetining ilk suratlari paydo bo‘ldi
Samsung Super AMOLED displeyli ikkita — 8,4 va 10,5 dyuymli Galaxy Tab S planshetlarini chiqarishni rejalashtirmoqda. Tarmoqda ularning kattasiga tegishli ilk suratlar paydo bo‘ldi. Bu haqda mail.ru xabar berdi.
Qurilmaning Galaxy S5 kabi “teshik-teshik”plastikdan iborat dizayni haqida avval paydo bo‘lgan xabarlar o‘z tasdig‘ini topdi. Shuningdek, har ikkala qurilma planshetlar ichida birinchi bo‘lib barmoq izi skaneri bilan jihozlandi.
Samsung Galaxy Tab S variatsiyalari 3 Gb tezkor xotira, 2,1 megapikselli old va 8 megapikselli asosiy kameraga ega. Ular Android 4.4 KitKat operatsion tizimida ishlaydi.
Super AMOLED planshetlari bilan birga, Samsung yana bir yangi qurilmasi — LCD-displeyli 13,3 dyuymli planshetni ham taqdim etishi taxmin qilinmoqda.
