Suriya Muxolifat va inqilobiy kuchlar milliy koalitsiyasi (MIKMK) rahbari Ahmad al-Jarba AQSh prezidenti Barak Obamani shu haftadagi uchrashuvda muxolifatchilarga ko‘chma zenit raketali majmualarni (KZRM) yetkazib berishga ko‘ndirmoqchi. Bu haqda “ITAR-TASS” xabar berdi.
“Bizning maqsad AQShni ushbu qurolni bizga taqdim etish yoki do‘stlarimizga bunday harakat uchun ruxsat berishga ko‘ndirishdan iborat, — deya aniqlik kiritdi MIKMK rahbari. — Biz bor-yo‘g‘i cheklangan miqdorda olamiz va ehtiyotkorlik bilan ishlatamiz”.
Wall Street Journal’ning eslatishicha, bunday majmualar mintaqada Saudiya Arabistoni va AQShning boshqa ittifoqdoshlarida bor.
Obama ma’muriyati Suriya muxolifatiga KZRMlar yetkazib berish uchun rasmiy ruxsat bermagan. AQSh ularning jangarilar qo‘liga tushib, terroristik harakatlarda qo‘llanilishidan xavfsiramoqda.
Oq uy Milliy xavfsizlik kengashi vakili Bernadett Mixen esa ular o‘z fikrini o‘zgartirmaganini, bunday majmualarning begona qo‘llarga tushishi AQSh manfaatiga tahdid solishini ta’kidlagan.
Izoh (0)