“Sevol” paromidan jabrlanganlarni qutqarishda qatnashgan baliqchilarga moliyaviy ko‘mak beriladi

Koreya Respublikasi hukumati cho‘kib ketgan “Sevol” paromidan jabrlanganlarni qidirish va qutqarishda ishtirok etgan baliqchilarga moliyaviy yordam beradi. Bu haqda mamlakat bosh vaziri kotibiyati ma’lumotiga tayanib, “ITAR-TASS” xabar berdi.

Hukumat halok bo‘lganlarning murdalarini qidirish uchun katta miqdordagi baliq tutuvchi yelkanli kemalarni jalb etdi, bundan tashqari, cho‘kib ketgan kemadan yoqilg‘i sizib chiqib,  yaqin oradagi dengiz mahsulotlari yetishtirish bilan shug‘ullanuvchi fermalarga zarar yetkazdi.

Baliqchilar va fermerlarga beriladigan pul yordamining miqdori aniq emas.

“Sevol” paromi 16-aprel kuni Janubiy Koreya qirg‘oqlari yaqinida halokatga uchragan edi. Kema bortida 476 nafar yo‘lovchi bo‘lgan.  Bor-yo‘g‘i 172 kishi qutqarilgan. 275 nafar yo‘lovchi va ekipaj a’zolarining jasadlari topilgan, yana 29 kishi hozircha bedarak yo‘qolgan deb e’lon qilindi.