Donetsk viloyatidagi referendumda respublikaning mustaqilligini yoqlab 89,7 foiz saylovchilar ovoz berdi. Bu haqda Markaziy saylov qo‘mitasi raisi Roman Lyagin so‘zlariga tayanib, “RIA Novosti” xabar berdi. Qarshi ovoz berganlar esa, dastlabki ma’lumotlarga ko‘ra, 10,19 foizni tashkil etdi. Byulletenlarning 0,74 foizi yaroqsiz deb topildi.
“ITAR-TASS” ma’lum qilishicha, ushbu hisob-kitoblar rasmiy ma’lumotlarga tayanmagan, saylov uchastkalarida ovozlarni hisoblash endi boshlangan. Ovoz berishning yakuniy protokoli dushanba kunining o‘rtalarida tayyorlanadi.
Donetsk viloyatidagi referendumda ovoz beruvchilarning 74,87 foizi, Lugansk viloyatida esa 81 foizi qatnashdi, ular qaytadan tuzilgan respublikaning davlat mustaqilligi haqidagi savolga javob berdi.
Referendum xavf-xatarli vaziyatda o‘tdi, bir nechta shaharlarda Ukraina Milliy gvardiyasi jangarilari ovoz berish jarayoniga halal berishga harakat qildi. Donetsk viloyatidagi Krasnoarmeysk shahrida otishmalar natijasida ikki kishi halok bo‘ldi. U yerdagi referendum muddatidan avval tugatildi. Bunga saylov uchastkalari joylashgan maktabning harbiylar tomonidan egallab olingani sabab bo‘ldi.
Izoh (0)