Alisher Usmonov “Buyuk Britaniyaning eng badavlat kishisi” nomidan ayrildi

Alisher Usmonov Buyuk Britaniyaning eng badavlat fuqarosi unvonidan ayrildi. Sunday Times nashrining yangi reytingida u ikkinchi o‘ringa tushib qoldi. Birinchi o‘rinni hindistonlik aka-ukalar — Sri va Gopi Xindujalar egalladi. Ularning boyligi 20 milliard dollarga baholanmoqda.

O‘tgan yili ushbu ro‘yxatni Usmonov boshqargan, aka-uka Xindujalar uchinchi pog‘onada joylashgan edi. Bu yil uchinchi o‘rinni yana bir hind — metallurgiya magnati Lakshmi Mittal band etdi.

Yuqori yigirmatalikda Alisher Usmonov bilan birga rossiyalik Roman Abramovich (8,52 milliard dollar bilan 9-o‘rinda) va German Xan (6,08 milliard dollar bilan 15-o‘rinda) ham bor.