AQSh Suriyadagi isyonchi kuchlarni qo‘llab-quvvatlash dasturi doirasida, qurol-yarog‘ diniy aqidaparast guruhlarning qo‘liga o‘tmasligi sharti bilan, tanklarga qarshi raketa majmualarini jo‘natdi. Bu haqda USA Today nashri xabar bermoqda.
“Avvaliga ular bu qurollarni ishlatib ko‘radi, qolgani esa bundan qanday samara chiqishiga qarab rejalashtiriladi”, – deydi nashrning avval Amerika hukumatida yuqori lavozimda ishlagan manbasi.
“Kun”ning xabar berishicha, tanklarga qarshi raketa majmualari foydalanishda murakkab bo‘lgan qurol bo‘lib, u tanklarni va mustahkamlangan bunkerlarni yo‘q qilish uchun ishlatiladi.
Avvalroq, Rossiya Tashqi ishlar vazirligi suriyalik isyonchilarga AQSh tomonidan raketa majmualarining yetkazib berilishi rasmiy Vashingtonnning Suriya mojarosini siyosiy yo‘l bilan hal etish haqidagi iddaolariga zid kelishini ma’lum qilgan edi.
Izoh (0)