Bugun Osiyo chempionati yarim finalida o‘zbekistonliklar eronlik futzalchilarga qarshi o‘ynaydi

Vyetnam davlatining Xoshimin shahrida futzal bo‘yicha o‘tkazilayotgan Osiyo chempionatida bugun yarim final uchrashuvlari bo‘lib o‘tadi, deb xabar bermoqda O‘zbekiston Milliy Olimpiya qo‘mitasi matbuot xizmati.

Final yo‘llanmasi uchun bugun, 8-may kuni Toshkent vaqti bilan soat 16:30 da O‘zbekiston terma jamoasi eronlik futzalchilarga qarshi maydonga tushadi.

Ma’lumot uchun: O‘zbekiston terma jamoasi 2001, 2006, 2010-yillari uch marotaba Osiyo chempionatining kumush medallariga sazovor bo‘lgan. 2005 va 2007-yillari bo‘lib o‘tgan qit’a chempionatida esa bronza medal bilan taqdirlangan.