7-may kuni Toshkent shahridagi “Muloqot.Uz” kafesida O‘zbekiston xalq artisti Mahmud Nomozov va muxlislari bilan ijodiy uchrashuv o‘tkazildi. Uchrashuv savol-javoblar bilan boshlandi.
Muxlislardan birining “Internetdan foydalana olasizmi?” degan savoliga Mahmud Nomozov “Internetni endi o‘rganishni boshlayapman, ‘Daryo’ yangiliklarining ashaddiy muxlisiman, ‘Muloqot’ ijtimoiy tarmog‘ida ham ijodimiz haqida yangiliklar berib boramiz”, – deb javob berdi.
Ijodiy uchrashuvda xonanda Toshkent shahriga atab kuylagan qo‘shig‘i haqida so‘zladi. Mahmud Nomozovning ta’kidlashicha, ushbu tarona san’atkorning 19—21-may kunlari “Istiqlol” saroyida bo‘lib o‘tadigan konsertida ijro etiladi.
8-may Mahmud Nomozovning tavallud topgan kuni bo‘lgani sababli “Muloqot” saytlar tarmog‘i tomonidan xonandaga “Ko‘za” deb nomlangan tort sovg‘a qilindi.
Eng yaxshi savol egalariga Mahmud Nomozovning ukasi Musulmon Namozning akasi haqida yozgan “Yulduzlar shamoli” kitobi taqdim etildi.
Izoh (0)