Bugun,

  • USD 11095.31
  • RUB 173.84
  • EUR 10772.44

Milliy basketbol assotsiatsiyasining sobiq o‘yinchisi Denis Rodman Shimoliy Koreya yetakchisi Kim Chen Inning 2013-yil avgust va dekabr oylarida qatl etilgan, deb hisoblanayotgan pochchasi va sobiq dugonasini tirik ko‘rganini e’lon qildi. Sportchi yanvar oyida Shimoliy Koreyada bo‘lgan. Uning ta’kidlashicha, “qatl etilganlar” u bilan yonma-yon turgan. Bu haqda basketbolchi DuJour nashriga bergan intervyusida ma’lum qilgan.

Dennis Rodman va Kim Chen In. Foto: thestar.com.my

Dennis Rodman va Kim Chen In. Foto: thestar.com.my

 

“Shimoliy Koreya haqida har qanday mish-mishga odamlar ishonadi. So‘nggi marta u yerga borganimda qatl etilgan, deb aytilayotgan Kim Chen Inning pochchasi va dugonasi men bilan yonma-yon turgan edi”, — deydi Rodman.

 

Rodmanning so‘zlariga ko‘ra, Kim Chen In Shimoliy Koreyaning yadroviy dasturi bo‘yicha muzokara o‘tkazish uchun AQSh prezidenti Barak Obama bilan uchrashishni xohlamoqda. Basketbolchi KXDR yetakchisining yadroviy qurol borasidagi fikrini ma’lum qildi: Shimoliy Koreya kichik, tinchlikparvar mamlakatdir. Bu mamlakat tashqi tajovuzlardan o‘zini himoya qilish maqsadida yadroviy qurolga ega bo‘lmoqchi. Shimoliy Koreya yetakchisi “hech kimga hujum qilmoqchi emas”ligini qayd etdi.

 

Shuningdek, Rodmanning xabar berishicha, Pxenyan amerikaliklarga hech qanday nafrat saqlamayapti, agar AQSh o‘zaro bitimlarga amal qilsa, shimoliy koreyaliklar ham amerikaliklar bilan ishlashni xohlaydi.

 

Denis Rodman o‘tgan yilning fevral oyida Shimoliy Koreyaga borgan va u yerda Kim Chen In bilan tanishgan edi. 2014-yilning yanvar oyida sportchi Shimoliy Koreyaga borib, u yerda KXDR yetakchisining tug‘ilgan kuniga bag‘ishlangan o‘yinda ishtirok etgan.

 

Eslatib o‘tamiz, Kim Chen Inning pochchasi Chan Son Txek 2013-yilning 12-dekabrida qatl etilgani xabar qilingan edi. U jiyani Kim Chen Inga mamlakatni boshqarish ishlarini o‘rgatgan, deya hisoblanar edi. Ammo vaqt o‘tishi bilan pochchasining mamlakatni boshqarishdagi o‘rni ortib borayotganidan xavotirga tushgan Kim Chen In uni korrupsiya va yengil hayot kechirishda ayblagan edi. Chan Son Txek xalqning pullarini ayollar va giyohvand moddalarga sarflayotgani e’lon qilingan edi.

O‘tgan yilning avgust oyida esa KXDRda Kim Chen Inning sobiq dugonasi qatl qilingani haqidagi xabarlar paydo bo‘lgan edi.

 

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Dunyo
Qozog‘istonda ikki yashar bola 11 ta magnitni yutib yubordi (foto)