NATOning Yevropadagi birlashgan qurolli kuchlari bosh qo‘mondoni, amerikalik general Filipp Bridlavning ma’lum qilishicha, Rossiya qo‘shinlari Ukraina hududiga bostirib kirmaydi. Bu haqda Reuters axborot agentligi xabar bermoqda.
Generalning fikricha, rasmiy Moskva boshqa vositalardan foydalangan holda ham o‘z maqsadiga yetishi mumkin. Bundan tashqari, Bridlavning qo‘shimcha qilishicha, Slavyanskda vertolyotlarni kim urib tushirgani masalasida xulosa qilishga hali juda ham erta, deb yozadi “Kun”.
Avvalroq, 2-mayga o‘tar kechasi Ukrainaning Donetsk viloyati Slavyansk shahrida Ukraina qurolli kuchlarining ikkita Mi-24 vertolyotlari urib tushirilgani ma’lum bo‘lgan edi. Buning natijasida ikki harbiy halok bo‘lgan, yana bir necha nafari turli darajada tan jarohati olgan.
Izoh (0)