Coca-Cola International’ning Turkiya, Markaziy Osiyo va Kavkaz mamlakatlari bo‘yicha prezidenti O‘zbekistonga tashrif buyurdi. Bu haqda Gazeta.uz ma’lumotiga asoslanib “Kun” xabar bermoqda.
O‘zbekiston Tashqi iqtisodiy aloqalar, investitsiyalar va savdo vazirligi matbuot xizmati xabariga ko‘ra, 2-may kuni vazirlikda Coca-Cola International’ning Turkiya, Markaziy Osiyo va Kavkaz mamlakatlari bo‘yicha prezidenti Galya Molinas bilan uchrashuv bo‘lib o‘tgan.
Muzokaralar davomida Coca-Cola kompaniyasi bilan hamkorlikni kengaytirish istiqbollari ko‘rib chiqilgan. Muhokamalar tafsiloti keltirilmagan.
Eslatib o‘tamiz, 2013-yil sentabrda Coca-Cola 2014-yilda O‘zbekistonda sharbat va salqin choy ishlab chiqarish uchun 50 million dollar miqdorida investitsiya kiritishni rejalashtirayotgani haqida xabar berilgan edi.
Izoh (0)