Xitoy Rossiyaga nisbatan bir tomonlama sanksiyalarga qarshiligini ma’lum qildi va ularning muammoli masalalarni yecha olmasligini ta’kidladi. Bu haqda XXRning RFdagi elchisi Li Xuey bergan bayonotga asoslanib, “RIA Novosti” xabar berdi.
AQSh Ukrainadagi vaziyat bo‘yicha dushanba kuni sanksiya ro‘yxatini kengaytirib, yetti nafar rossiyalik va 17 ta kompaniyani qo‘shgan edi.
YeI esa seshanba kuni yana 15 kishini ro‘yxatga qo‘shdi. Ular orasida bosh vazir o‘rinbosari Dmitriy Kozak, Bosh shtab boshlig‘i Valeriy Gerasimov va Bosh razvedka boshqarmasi rahbari Igor Sergun ham bor.
Yaqinda XXR TIV vakili Sin Gan ham shunga o‘xshash fikr bildirib, Rossiyaga nisbatan sanksiyalar Ukrainadagi nizolarni faqat kuchaytirishini va barcha tomonlar manfaatlariga xilof ekanini ta’kidlagan edi.
Izoh (0)