“Sog‘lom avlod uchun” xalqaro xayriya fondi 1-may kuni fondga yordam so‘rab murojaat qilgan bolalarga 14 ta nogironlik aravachalari topshirdi. Bu haqda fond matbuot xizmati xabar berdi.
AQShning AmeriCares xalqaro tashkiloti tomonidan joriy yilda umumiy qiymati 23 803,8 dollarga teng bo‘lgan 550 ta nogironlar aravachalari yuborilgan.
1-may kuni imkoniyati cheklangan bolalar uchun o‘tkazilgan xayriya tadbirida nogironlik aravachalari va ularning ehtiyot qismlari topshirildi.
Ta’kidlash joiz, ushbu xalqaro tashkilot tomonidan 2010—2014-yillar davomida jami 2750 dona nogironlik aravachalari yuborilgan bo‘lib, ular joylardagi Mehnat va aholini ijtimoiy muhofaza qilish va Sog‘liqni saqlash boshqarmalari, Xotin-qizlar qo‘mitalari va “Mahalla” fondi bo‘limlari orqali tarqatildi.
Izoh (0)