Rossiya va Lotin Amerikasi harbiy-dengiz floti kemalari Karib dengizi havzasida narkokartellarga qarshi kurash bo‘yicha o‘quv mashg‘ulotlari o‘tkazdi. Bu haqda “RIA Novosti” xabar berdi.
Shimoliy flot vakili ikkinchi rang kapitani Yevgeniy Kirillovning aytishicha, mashg‘ulotning asosiy mavzusi Lotin Amerikasi davlatlarining hududiy suvlarida uyushgan jinoiy guruhlar faoliyatiga barham berish, giyohvandlik moddalarini kontrabandlik yo‘li bilan yetkazish kanallarini yopishdan iborat bo‘ldi.
“Bo‘ron-2014” mashqlarida Rossiyaning “Viktor Leonov” aloqa kemasi, “Nikolay Chiker” shatakchi qutqaruv kemasi va giyohvand moddalar aylanmasi ustidan nazorat xizmati xodimlari ishtirok etdi. Mashg‘ulotlarda shuningdek, Nikaragua politsiyasi va Gonduras maxsus xizmati ham qatnashdi.
Rossiya rahbariyati vakillarining ta’kidlashicha, RF harbiy-dengiz floti o‘zining Jahon okeanidagi o‘rnini kengaytirmoqda.
Izoh (0)