O‘zbekistonga tashrif buyurgan Xalqaro olimpiya qo‘mitasi ijroiya qo‘mitasi a’zosi, Xalqaro yengil atletika federatsiyasi (IAAF) vitse-prezidenti Sergey Bubka O‘zbekiston Milliy olimpiya qo‘mitasi raisi M. Usmonov bilan uchrashdi. Bu haqda O‘zA xabar berdi.
Sergey Bubka O‘zbekiston Milliy olimpiya qo‘mitasi va Respublika sport tibbiyoti ilmiy-amaliy markazi, “Paxtakor” stadioni hududidagi zamonaviy yengil atletika bazasi qurilishi jarayoni bilan tanishdi.
– Prezident Islom Karimov tomonidan sportni rivojlantirishga qaratilayotgan ulkan e’tibor soha taraqqiyotida muhim omil bo‘lmoqda, – dedi Sergey Bubka. – O‘zbekistonda sportni har tomonlama taraqqiy ettirish, sportchilarni qo‘llab-quvvatlash borasida amalga oshirilayotgan keng ko‘lamli islohotlar o‘zining yuksak samaralarini berayotganiga guvoh bo‘ldim.
Xalqaro olimpiya qo‘mitasi ijroiya qo‘mitasi a’zosi, Xalqaro yengil atletika federatsiyasi vitse-prezidenti Sergey Bubka O‘zbekiston Respublikasi Bosh vazirining o‘rinbosari, O‘zbekiston yengil atletika federatsiyasi raisi G‘. Ibragimov bilan uchrashdi.
Izoh (0)