NATO Boltiqbo‘yi himoyasi uchun qiruvchi samolyotlarni uch marta ko‘paytiradi

1-maydan NATO Boltiqbo‘yi himoyasi uchun qiruvchi samolyotlarini uch marta ko‘paytiradi. “UkrInform” xabar berishicha, Estoniya, Latviya va Litvada patrullik qilish uchun Polsha, Buyuk Britaniya va Daniya Harbiy havo kuchlarining 12 ta samolyoti yuboriladi.

Mamlakatlarning har biri to‘rttadan qiruvchi ajratadi. Bungacha alyans rotatsiya tamoyili asosida (NATO bo‘yicha ittifoqdosh davlatlar ushbu missiya uchun navbat bilan o‘z qiruvchi samolyotlarini taqdim etgan) to‘rttagina samolyot yuborgan edi.

NATO Markaziy va Sharqiy Yevropadagi harbiy faoliyatini “Ukrainadagi tanglikning kuchayishidan keyin” kengaytirishga qaror qilgan. Ma’lum bo‘lishicha, Boltiqbo‘yi mamlakatlaridagi missiyaning kuchaytirilishi o‘n yil ichida birinchi marta sodir bo‘lmoqda.