Kuba rahbariyati Moskvaning Ukrainaga munosabatini qo‘llab-quvvatlashini bildirdi

Kuba Respublikasi rahbariyati Rossiya Federatsiyasining Ukrainadagi vaziyat yuzasidan pozitsiyasini qo‘llab-quvvatlaydi hamda sanksiyalar va qo‘shaloq standartlarga qarshi chiqadi. Bu Sergey Lavrovning Kubaga tashrifi yakunida ma’lum bo‘ldi, deya xabar berdi “RIA Novosti”.

Rossiya tashqi ishlar vaziri Kuba Respublikasi Davlat kengashi va vazirlar kengashi raisi Raul Kastro tomonidan qabul qilindi. Bundan tashqari, tashqi ishlar vaziri Bruno Rodriges va Kuba inqilobi yetakchisi Fidel Kastro bilan suhbatlar qildi.

Rossiya TIV ma’lumotlariga ko‘ra, Kuba Rossiyaning Ukrainadagi vaziyat yuzasidan pozitsiyasini qo‘llab-quvvatlashi hamda sanksiyalar va qo‘shaloq standartlarga qarshi chiqishini bildirgan. Lavrov, o‘z navbatida AQSh tomonidan Kubaga qarshi kiritilgan iqtisodiy, savdo va moliyaviy qamalni to‘xtatish zarurligini ta’kidlagan.

Do‘stona muhitda o‘tgan muzokaralar chog‘ida ikki tomonlama hamkorlik masalalari ham ko‘rilgan.