O‘zbekistonda HTC kompaniyasining yangi flagmani — HTC One (M8) smartfoni sotuvga chiqdi. Bu haqda mobinfo.uz xabar berdi.
Yangi smartfon o‘zidan oldingisidan kattaroq hajmi, yanada mustahkam metal korpusi va ikkitalik kamerasi bilan farq qiladi. Yangi smartfon 5 dyuymli ekran va yap-yangi Snapdragon 801 protsessoriga ega. Avvalgi versiyadagi silliqlangan metal korpus saqlanib qoldi. Biroq undan farqli ravishda, yangi HTC One qirralari yanada aylanaroq ko‘rinish oldi.
HTC One (M8) 2 Gb tezkor va 16 Gb ichki xotiraga ega. U Google Android 4.4 KitKat operatsion tizimida ishlaydi. Telefon 3G va LTE tarmoqlarida ishlay oladi, bundan tashqari, quvvatni tejash rejimiga ega bo‘lib, 14 kun davomida qo‘ng‘iroq va SMSlar qabul qilishi mumkin.
To‘q kulrang va kumushrang tusdagi smartfon Toshkentdagi “Fleshka” savdo majmuasida 2,4 million so‘mdan sotilmoqda. Taqqoslash uchun, HTC One (M8) raqobatdoshi — Samsung Galaxy S5 2,1 million so‘mga taklif qilinmoqda.
Izoh (0)