Bugun 150 nafar amerikalik harbiylar Tallindagi Emari aviabazasiga tashrif buyuradi, bundan maqsad “Bahor bo‘roni” an’anaviy o‘quv mashg‘ulotlarida ishtirok etishdir. Mashg‘ulotlar har yili 5-mayda Boltiq mamlakatlari va Polshada boshlanadi. Bu haqda Estoniya Mudofaa kuchlari Bosh shtabi ma’lumotiga asoslanib, “RIA Novosti” xabar berdi.
Ushbu mamlakatlar avvalroq AQSh harbiylari hududda doimiy asosda joylashtirilishi taklifini kiritgan edi. AQSh bunga javoban Boltiq mamlakatlari bilan bunday mashqlarni tez-tez o‘tkazib turishini, biroq hududga doimiy kontingent kiritmasligini bildirdi.
AQSh harbiy xizmatchilari Paldiski shahridagi Tinchlikparvar operatsiyalar markaziga joylashadi. Ular Estoniyada yil oxirigacha qolishi taxmin qilinmoqda. Amerikalik harbiylar Polsha, Latviya va Litvaga allaqachon yetib kelishgan.
AQShlik ittifoqdoshlarni kutib olish marosimida Estoniya prezidenti Toomas Xendrik Ilves, AQShning Tallindagi elchisi Jeffri Levin va Mudofaa kuchlari Bosh shtabi boshlig‘i Igor Shvede ishtirok etadi.
Avvalroq NATO bosh kotibi Anders Fog Rasmussen Sharqiy Yevropada harbiy shaylikni kuchaytirish va o‘quv mashg‘ulotlari o‘tkazish uchun qo‘shimcha harbiy kadrlar jalb etish hamda Ukrainadagi voqealar tufayli mudofaa rejalarini qaytadan ko‘rib chiqish niyatlarini ma’lum qilgan edi.
Izoh (0)