Maftunkor xonanda Shahzoda “Geolog. Ajaldan kuchliroq” ilk o‘zbek blokbaster filmi uchun rus tilida kuylagan “Malo li” saundtreki videoklipini taqdim etdi. Bu haqda Popcorn.uz xabar berdi.
Warner Music kompaniyasi tomonidan tayyorlangan videoklip premyerasi YouTube internet xosting xizmatining Wow TV kanalida namoyish etildi.
Klip Muxlisa Azizova rejissorligi ostida Dilmurod Turdiboyev tomonidan suratga olingan.
Eslatib o‘tamiz, Shahzoda ijrosidagi “Malo li” taronasi matni muallifi Klimenko Ivan, musiqa va aranjirovka esa Leo K taxallusi bilan mashhur bo‘lgan Alaverdashvili Kaxaberi Timurovich tomonidan yaratilgan. Ularning har ikkalasi ham ukrainalik ijodkorlardir. Mazkur saundtrekka ishlangan video montaji bilan ham rossiyalik mutaxassislar shug‘ullangan.
Ta’kidlash joiz, o‘zbek ijodkorlari tomonidan yaratilgan o‘tkir syujetli “Geolog. Ajaldan kuchliroq” kartinasi premyerasi may oyiga mo‘ljallangan. Filmda o‘tgan asrning 60-yillari hikoya qilinadi.
Izoh (0)