Beeline “Polkdoshga qo‘ng‘iroq” aksiyasini boshladi
Beeline aloqa operatori Ikkinchi jahon urushi qatnashchilari uchun “Polkdoshga qo‘ng‘iroq” aksiyasini boshladi. Bugun, 25-apreldan boshlab kompaniyaning barcha 28 ofisida uyali so‘zlashuv punktlari ochildi, u yerdan frontoviklar va front orti mehnatkashlari dunyoning istalgan nuqtasiga bepul qo‘ng‘iroqlarni amalga oshirishi mumkin, deb xabar berdi Beeline matbuot xizmati.
Beeline shaxsiy ofislarini oson identifikatsiya qilish uchun u yerlarda aksiyaning maxsus imidji joylashtiriladi. “Polkdoshga qo‘ng‘iroq” aksiyasi O‘zbekistonning 20 ta shahari — Toshkent, Farg‘ona, Andijon, Namangan, Qo‘qon, Guliston, Samarqand, Jizzax, Qarshi, Termiz, Buxoro, Navoiy, Nukus, Urganch, Denov, G‘ijduvon, Zarafshon, Shahrisabz, Angren va Marg‘ilonni qamrab oladi.
— Bu yil aksiya oltinchi marotaba respublikaning o‘nlab yirik shaharlarini qamrab olgan holda yanada keng miqyosda bo‘lib o‘tmoqda, — deydi kompaniyaning hududiy rivojlantirish bo‘yicha direktori G‘ulom Ortiqov. – Faxriylarimizga boshqa mintaqa va shaharlardagi yaqinlarining va polkdoshlarining ovozlarini eshitish va ular bilan xotiralarni bo‘lishish kabi imkoniyat sovg‘a qilishga umid qilamiz”.
Eslatib o‘tamiz, “Polkdoshga qo‘ng‘iroq” aksiyasi 25-apreldan 10-maygacha O‘zbekistonning 20 ta shahrida 9-may – Xotira va qadrlash kuniga bag‘ishlab o‘tkazilmoqda.
