Moliya vazirligining Nazorat-taftish bosh boshqarmasi va uning hududiy boshqarmalari tomonidan 2014-yilning birinchi choragida tasdiqlangan ish reja, huquq-tartibot organlarining topshiriqlariga asosan jami 3174 ta byudjet muassasasida taftish va tekshirish ishlari o‘tkazilgan va uning 2828 tasida 12,5 milliard so‘mdan ortiq kamomad, o‘zlashtirish va noqonuniy xarajatlar aniqlangan. O‘zbekiston Respublikasi Moliya vazirligining Nazorat-taftish bosh boshqarmasi matbuot xizmati xabar berdi.
Aniqlangan kamomad, o‘zlashtirish va noqonuniy xarajatlardan 7,2 mlrd so‘mdan ziyodi yoki 57,3 foizi undirilib, 10,4 milliard so‘mlik moliyaviy xatoliklar bilan 811 ta tekshirish materiallari aybdor shaxslarga nisbatan qonunda belgilangan tartibda chora ko‘rish uchun huquq-tartibot organlariga yuborildi.
Izoh (0)