O‘zLiDeP Siyosiy Kengashi Ijroiya qo‘mitasi “Yoshlar qanoti” va “Mahalla” xayriya jamoat fondi tomonidan “Mahalla xalq vijdoni - tadbirkorlik yurt rivoji” shiori ostida“Yoshlarni kichik biznes va xususiy tadbirkorlik faoliyatiga jalb etish va qulay muhit yaratishdagi hamkorlik masalalari” mavzusida biznes forumo‘tkazildi. Bu haqda partiya matbuot xizmati xabar berdi.
Anjumanda partiyaning “Yoshlar qanoti” tomonidan amalga oshirilayotgan “Agar men deputat bo‘lsam”, “Yosh olimlar va katta ilmiy xodim-izlanuvchilar”, “Ishbilarmon talaba”, “Parlamentda mening o‘rnim” hamda“Diplom bilan biznesga”kabiloyihalari xususida ham to‘xtalib o‘tildi. Jumladan, O‘zLiDeP tomonidan 2010-yildan buyon O’zbekiston Respublika Markaziy banki bilan hamkorlikda “Diplom bilan biznesga” loyihasi o‘tkazib kelinmoqda.
Mazkur loyiha doirasida o‘tgan davr mobaynida 2800 nafardan ortiq bitiruvchi talabalar o‘z biznesini yo‘lga qo‘yib, qariyb 13 milliard so‘mlik kredit olindi va 6000 dan ortiq yangi ish o‘rni yaratildi.
Shuningdek, 2012-yilda “Ishbilarmon talaba” stipendiya ko‘rik-tanlovida qatnashgan 28 nafar iqtidorli o‘quvchiga O’zLiDeP stipendiyalari topshirilgan bo‘lsa, 2013-yilda ana shunday stipendiyalar 38 ta g‘olib talabaga berildi. Hozirda O’zLiDeP stipendiatlarining umumiy soni 248 nafarga yetgan.
Izoh (0)