GM Uzbekistan qo‘shma korxonasi ishlab chiqarish hajmini 2013-yil ko‘rsatkichlariga nisbatan 2 foizga oshirib, xaridorlarga 250 mingga yaqin avtomobil yetkazib berishni rejalashtirmoqda. Bu haqda “O‘zavtosanoat” ma’lumotiga tayanib “Noviy vek” nashri xabar berdi.
Kompaniya ma’lumotlariga ko‘ra, zavodning loyihaviy quvvatga chiqishi an’anaviy avtomobil rusumlari hisoblangan Nexia, Lacetti va Matiz ishlab chiqarishini kamayishi evaziga yangi modellar — Cobalt, Gentra va Spark mashinalarini ishlab chiqarish va eksport qilish hajmini ko‘paytirish hisobiga amalga oshirilmoqda. Orlando (joriy yilning mart oyi oxirlaridan ishlab chiqarilmoqda), Captiva va Malibu rusumidagi avtomobillar ichki bozorga yo‘naltirilgan.
Qo‘shma korxonada avtomobil ishlab chiqarish hajmi 2013-yilda 2012-yildagiga nisbatan 4,5 foizga o‘sib, 246 031 donaga yetgan.
Izoh (0)