Qirg‘iziston poytaxti Bishkekdagi ko‘chalardan birini Rossiya prezidenti Vladimir Putin sharafiga nomlash taklif qilindi. Bu haqda “AKIpress” xabar bermoqda.
Ushbu taklif Qirg‘izistonda xizmat ko‘rsatgan madaniyat arbobi, Aytmatov nomidagi xalqaro mukofot sohibi Nurlan Abdiqadirovdan chiqqan, deb yozadi “Kun”.
Rossiyaning Qirg‘iziston iqtisodiyotini rivojlantirishga qaratilgan yo‘nalishi asrning eng yorqin siyosiy yetakchisi hisoblangan prezident Vladimir Putin olib borayotgan Rossiya tashqi siyosati bilan chambarchas bog‘liq. Qirg‘iziston rivojidagi uning tarixiy xizmatlarini hisobga olib, Bishkek shahridagi markaziy ko‘chalardan biri Vladimir Putin nomi bilan atashni taklif qilaman, — dedi Abdiqadirov.Agar nomini o‘zgartirishga biror ko‘cha topilmasa, Nurlan Abdiqadirov o‘z otasi – Jalil Abdiqadirov nomi bilan ataladigan ko‘chani Vladimir Putin ismi-sharifi bilan atashni taklif qilmoqda. Ayni vaqtda, Abdiqadirov nomi bilan otasi tug‘ilib o‘sgan Qorako‘l shahridagi ko‘chalardan birini atashni tavsiya qilgan.
Izoh (0)