Janubiy Koreyaning halokatga uchragan “Sevol” paromi qurbonlari soni 58 nafarga yetdi

Janubiy Koreyaning janubi-g‘arbiy qirg‘oqlari yaqinida halokatga uchragan “Sevol” (Sewol) paromi qurbonlari soni 58 nafarga yetdi. Bu haqda South China Morning Post xabar bermoqda.

Avvalroq, halokat natijasida 36 kishining jasadi topilgani haqida ma’lum qilingan edi.

Parom 16-aprelga o‘tar kechasi Janubiy Koreya qirg‘oqlaridan taxminan 100 kilometr uzoqlikda cho‘kib ketgan. “Sevol” kemasi bortida 470 dan ortiq yo‘lovchi bo‘lgan.

Hozirgi vaqtda 250 dan ortiq yo‘lovchi bedarak yo‘qolgan, deya taxmin qilinmoqda. “Kun”ning xabariga ko‘ra, shanba kuni kema kapitani Li Chjun Sok hibsga olingan edi. Surishtiruv ma’lumotlariga ko‘ra, kema cho‘kishni boshlagan vaqtda kapitan rulda bo‘lmagan.