Facebook ijtimoiy tarmog‘i mobil foydalanuvchilar uchun yangi “Yaqindagi do‘stlar” (Nearby Friends) funksiyasini taqdim etdi. U smartfon orqali do‘stlarning joylashgan joyini bilishga yordam beradi. Bu haqda “ITAR-TASS” xabar berdi.
Servis yaqin haftalar ichida Apple iOS va Google Android operatsion tizimlaridagi Facebook dasturida paydo bo‘ladi. Undan faqat AQShliklar foydalanishi mumkin. Qolgan foydalanuvchilar bu yangilikdan qachon bahramand bo‘lishi noma’lum.
Funksiya ishga tushirilganida ayni paytda foydalanuvchiga yaqin joyda bo‘lgan do‘sti haqida xabarnoma keladi. O‘zining turgan joyi haqidagi ma’lumotni kimlar bilan bo‘lishishni foydalanuvchining o‘zi belgilaydi. Ijtimoiy tarmoqdagi do‘stlariga o‘zining qayerdaligini bildirishni xohlamagan foydalanuvchi ushbu funksiyani o‘chirib qo‘yishi mumkin.
Izoh (0)