Rossiya prezidenti Vladimir Putin Ukraina rahbariyatiga joriy yilda RFdan yetkazib berilgan gaz to‘lovini boshlash uchun bir oy muddat berdi. Bu haqda u rossiyaliklar bilan to‘g‘ridan-to‘g‘ri muloqot chog‘ida ma’lum qildi. Vaziyat hal etilmagan taqdirda, yetkazmalar uchun oldindan pul olinadi va to‘langan pul miqdoriga mos ravishda gaz yetkazib beriladi.
9-aprel kuni Putin “Gazprom”dan gaz uchun avans to‘lovlar talab qilmay turishni so‘ragan edi. Uning fikricha, bunday chorani Ukraina konsultatsiyalar o‘tkazishdan bosh tortgan holda qo‘llash mumkin.
Kiyevdagilar esa hozirgi narx adolatsiz bo‘lgani uchun Rossiyaga gaz uchun pul to‘lashni xohlamayotganini bildirishdi. So‘nggi bir necha kun davomida Ukraina Polsha hududi orqali revers sxemasida gaz ola boshladi.
Ukraina foydalangan gaz to‘lovidan qarzi ortib borayotganligi sababli, Rossiya joriy yilning ikkinchi choragidan bu mamlakat uchun gaz narxini oshirdi. Endi har ming kubometr gaz uchun avvalgi 268,5 o‘rniga 385,5 dollar narx belgilandi.
Izoh (0)