Finnlar internetga ulanish imkonini beruvchi qahva chashkasini o‘ylab topishdi. Ishlab chiquvchilardan biri — Paulig qahva kompaniyasi yangi qurilmada o‘ziga xos texnologiya qo‘llanilganini ma’lum qildi.
“ITAR-TASS” yozishicha, chashka displey va Bluetooth bilan jihozlangan. Bluetooth yordamida smartfonga ulanish mumkin. Issiq qahva quyilgach, chashka qiziydi va undan olingan quvvat hisobiga ekran yonadi.
Chashka ekraniga Bluetooth orqali har qanday rasmni joylashtirish mumkin. Smartfonga ulangach, uning displeyida qahva haroratini ko‘rish mumkin.
Ixtiro finnlarning o‘zi uchun qiziqarli bo‘lishi mumkin: ular qahva iste’moli bo‘yicha dunyoda yetakchi xalqdir (bir kishiga yiliga 12 kg qahva to‘g‘ri keladi, dunyo bo‘yicha kishi boshiga o‘rtacha 5 kg to‘g‘ri keladi).
Chashka 2015-yilning boshida sotuvga chiqariladi. Ayni paytda uni jamoatchilik sinoviga tayyorlashmoqda.
Izoh (0)