Balal ismli eronlikning qatli hukm ijro etilishiga sanoqli soniyalar qolganda to‘xtatildi. Metronews.ru xabar berishicha, u 2007-yilda 19 yoshida ko‘cha jangi davomida tengdoshi Abdulla Husaynzodani pichoqlab qo‘ygan.
Shariat bo‘yicha u o‘limga mahkum etildi. Hukm qurbon bo‘lgan yigitning onasi tomonidan amalga oshirilishi kerak edi: jinoyatchining bo‘yniga sirtmoq solingach, ayol uning oyog‘i tagiga qo‘yilgan taburetkani surib tashlash imkoniga ega edi. Biroq ayni shu mahal ayol qotilning yuziga tarsaki tushirib, uni kechirishini aytdi. Abdullaning otasi esa jinoyatchining bo‘ynidagi sirtmoqni olib tashladi.
Ota, Balal uning o‘g‘lini o‘ldirish niyatida bo‘lmagan, shunchaki pichoqni qo‘llashda tajribasizlik ko‘rsatgan, degan xulosaga kelganini ta’kidladi. Onaning xatti-harakatini yuksak darajada oliyhimmatlilik deb baholash mumkin: u yana bir o‘g‘lini yo‘l-transport hodisasida yo‘qotgan.
Izoh (0)