Yana bir o‘zbek bokschisi Bolgariyadagi chempionatning ilk bosqichida g‘olib bo‘ldi

Bolgariya poytaxti Sofiya shahrida boks bo‘yicha yoshlar o‘rtasida o‘tkazilayotgan jahon chempionatida yana bir yurtdoshimiz Mahmud G‘oipov (-64 kg) birinchi bosqichda g‘alaba qozonib, g‘oliblik uchun kurashni davom ettirmoqda. O‘zbekiston Milliy Olimpiya qo‘mitasi matbuot xizmati xabar berdi.

Gruziyalik Nukri Adamiaga qarshi jang olib borgan o‘zbek bokschisi yaqqol ustunlik bilan zafar quchdi. Endi Mahmud G‘oipov 1/16 final bosqichida kanadalik Zakari Ridgevell bilan bahs yuritadi.

Bugunga kelib hamyurtlarimizdan Sulaymon Latipov, Abdulhay Shorahmatov, Shukurjon Rahimov, Iqboljon Xoldorov, Mahmud G‘oipov, Bektemir Meliqo‘ziyev, Kozimbek Mardonov birinchi bosqichdan muvaffaqiyatli o‘tib, g‘oliblik uchun kurashni davom ettirmoqda.