Amerikalik general Uesli Klark va Pentagonning sobiq xodimi, maslahatchi Filipp Karber o‘zlarining Ukraina bo‘yicha ma’ruzalarida ukrain armiyasi Rossiya tomonidan uyushtiriladigan hujum ehtimoli uchun harbiy ko‘makka ehtiyoj sezayotganini ta’kidladi. Bu haqda The New York Times ma’lumotiga tayanib, “RIA Novosti” xabar berdi.
Ma’lum bo‘lishicha, gap birinchi o‘rinda zirhli jiletlar, tungi ko‘rish moslamalari hamda yer usti texnikasi va harbiy-havo kuchlari uchun yoqilg‘i haqida ketmoqda.
Klark va Karber yaqinda Ukrainada bo‘lib, armiyaning jangga tayyorgarligini tekshirib keldi. Ular mamlakat harbiy-havo kuchlarining yaxshi qurollanmaganini bildirdi. Ukraina armiyasiga ko‘proq harbiy samolyot, havo mudofaasiga qarshi va tanklardan himoya uchun raketalar zarur, deb hisoblaydi mutaxassislar.
Bundan tashqari, ukrain armiyasi sun’iy yo‘ldoshli aloqa uchun vositalarga ham ega emas. Yuzta askardan bir nafarida zirhli jilet bor.
Ma’ruza so‘ngida mualliflar Obama ma’muriyatidan Ukrainaga harbiy yordamni cheklamaslikni so‘ragan. Biroq ularning fikricha, Ukrainada yangi prezident saylanib, G‘arb va Rossiya aloqalari joyiga tushmaguniga qadar AQShning Kiyevga yordam berishi amri mahol.
Izoh (0)