Amerikaning Fox News telekanali jamoatchilik fikrini bilish uchun so‘rov o‘tkazdi. Uning natijalariga ko‘ra, amerikaliklarning taxminan 60 foizi AQSh prezidenti Barak Obama ularni mamlakat uchun muhim masalalarda aldaydi, deb hisoblaydi. Bu haqda “ITAR-TASS” xabar berdi.
So‘rovda qatnashganlarning 37 foizi Oq uy rahbari “ko‘p hollarda” yolg‘on gapiradi, degan bo‘lsa, 24 foizi Obama “ba’zan” yolg‘on so‘zlashiga ishonchi komil. 20% amerikaliklar prezident “kamdan-kam” hollarda yolg‘onlaydi, deb hisoblaydi. AQSh aholisining atigi 15 foizi Obamaga to‘liq ishonadi: ularning fikricha prezident doim haq so‘zlaydi.
Respublika muxolifati, shuningdek ba’zi konservativ OAVlar tomonidan Obama ko‘p marta haqiqatdan yiroq bo‘lgan bayonotlarni berganlikda ayblangan.
Umuman, Obamaning prezidentlik lavozimidagi faoliyatidan amerikaliklarning 42 foizi mamnun bo‘lsa, 51 foizi norozi.
13—15-aprel kunlari telefon orqali o‘tkazilgan so‘rovda AQShning mingdan ortiq katta yoshli fuqarolari qatnashgan.
Izoh (0)