“Hozir Ukrainaga BMT rahnamoligida tinchlikparvar kuchlarni kiritish maqsadga muvofiq emas, deb hisoblayman”, — dedi BMT bosh kotibi Pan Gi Mun Meksikaning Reforma gazetasiga bergan intervyusida. Bu haqda “ITAR-TASS” xabar berdi.
U Ukrainadagi tanglik mahalliydan ko‘ra kengroq doirani qamrab oluvchi oqibatlarga olib keladi, deb hisoblaydi.
Avvalroq Pan Gi Mun Oliy rada tomonidan tayinlangan Ukraina prezidenti vazifasini bajaruvchi Aleksandr Turchinov bilan telefon suhbati davomida mamlakatga BMT rahbarligida tinchlikparvar kuchlarni yuborish imkoniyatlarini muhokama qilgani haqida xabar tarqalgan edi. Biroq BMT bosh kotibi rasmiy vakili Stefan Dyujarrik bu ma’lumotni tasdiqlamadi. U suhbat chog‘ida Pan Gi Mun Ukraina janubi-sharqidagi qo‘zg‘olonlar, ayniqsa har ikkala tomonning qurol ishlatayotganiga nisbatan xavotir bildirganini ta’kidladi.
Izoh (0)