Beeline Club tarmog‘i taom shinavandalari uchun milliy qidiruv tizimi — Resto.uz bilan hamkorlikni yo‘lga qo‘ydi. Endi resto.uz saytiga tashrif buyuruvchilar qulay navigatsiya yordamida Gold va Platinum imtiyozli kartalari egalari uchun chegirmalar taqdim etilayotgan barcha muassasalarni topishlari mumkin. Bu haqda Beeline matbuot xizmati xabar berdi.
— Beeline Club — O‘zbekistondagi eng muvaffaqiyatli bonus dasturlardan biri, — deydi kompaniyaning Jamoatchilik bilan aloqalar xizmati rahbari Oraz Abdurazakov. — Biz abonentlarimizni maksimal darajada qulayliklar, shu jumladan, klub imtiyozlari bo‘yicha navigatsiyalar bilan ta’minlaymiz.
Beeline Club’ga tegishli restoranlarning ro‘yxatini filtrlash uchun ushbu punkt ro‘parasiga belgi qo‘yish lozim. Shundan keyin saytning qidiruv tizimi tarmoqning barcha hamkorlari ro‘yxatini ko‘rsatadi. Shuningdek, har bir muassasaning tavsifida taqdim etilayotgan chegirmalar miqdori va O‘zbekiston shaharlarining xaritasida ularning joylashgan manzilini topish mumkin.
Eslatib o‘tamiz, Beeline Club’ga a’zo bo‘lgan abonentlar Andijon, Buxoro, Jizzax, Qarshi, Qo‘qon, Navoiy, Namangan, Nukus, Samarkand, Toshkent, Termiz va Farg‘ona shaharlaridagi o‘nlab restoran va savdo nuqtalaridan imtiyozli foydalanishlari mumkin.
Izoh (0)