Samarqandda umumta’lim maktablari o‘quvchilari o‘rtasida o‘tkazilayotgan “Orasta qizlar” ko‘rik-tanlovining viloyat bosqichi bo‘lib o‘tdi. Bu haqda O‘zA xabar berdi.
Tanlov Samarqand viloyati xotin-qizlar qo‘mitasi hamda xalq ta’limi boshqarmasi hamkorligida tashkil etildi.
Tadbir davomida viloyatning barcha tuman va shaharlaridan kelgan jamoalar “Ommaviy madaniyat” mafkuraviy tahdidi – millat ma’naviyati kushandasi”, “Internet, zamon va biz”, “Vatanim mahallam va oilamdan boshlanadi”, “Ostonasi gulzor xonadon – farishtali xonadon”, “Sog‘ tanda – sog‘lom aql” kabi mavzularda sahna ko‘rinishlarini namoyish etdi. O‘zaro savol-javoblarda bilimlarini yana bir bor sinovdan o‘tkazdi.
Payariq tumani o‘quvchi-qizlari g‘oliblikni qo‘lga kiritib, tanlovning respublika bosqichiga yo‘llanma oldi.
— Viloyatdagi barcha umumta’lim maktablarida “Orasta qizlar” to‘garagi faoliyat ko‘rsatmoqda, — deydi viloyat xalq ta’limi boshqarmasi boshlang‘ich xotin-qizlar qo‘mitasi raisi Nigora Xoliqova. — Bu orqali o‘quvchi qizlar o‘rtasida sog‘lom turmush tarzini targ‘ib etish, ularning oila va ro‘zg‘or tutumi, qadriyatlarimiz haqidagi tushunchalarini boyitish, milliy hunarmandchilik an’analarini o‘rgatish ishlari olib borilmoqda. Mazkur tanlov ham ularning bu boradagi bilim va ko‘nikmalarini namoyon etishiga xizmat qilmoqda.
Izoh (0)