Madridning “Real” klubi hujumchisi Krishtianu Ronaldu Ispaniya Kubogi final bahslarida “Barselona”ga qarshi o‘yinda maydonga tushmaydi, deb ma’lum qildi Ispaniya matbuoti xabariga asoslanib “Chempionat” nashri.
Portugaliya terma jamoasi futbolchisi Ronaldu chap oyog‘idan jarohat olgani tufayli ushbu muhim uchrashuvda ishtirok eta olmaydi. Biroq Krishtianu Chempionlar ligasining yarim finalida “Bavariya” bilan uchrashuvda qatnashish uchun tayyorgarlik ko‘rmoqda. Buning uchun futbolchi kuniga ikki marta besh soatdan tayyorgarlik ko‘rmoqda. Ronalduning o‘zi nemis jamoasi bilan uchrashuvda maydonga tusha olishiga ishonch bildirmoqda.
Eslatib o‘tamiz, “Barselona” bilan uchrashuvda himoyachi Serxio Ramosning ishtiroki ham noma’lum bo‘lmoqda. Kataloniyaliklarda ham himoyachilar Mark Bartr va Xerard Pike jarohat tufayli o‘yinda qatnashmasligi mumkin.
Izoh (0)