Qozog‘iston Prezidenti Nursulton Nazarboyev 12-aprel kuni “2011-yil 18-oktabrdagi Erkin savdo hududi to‘g‘risidagi Shartnomani uning Tomonlari va O‘zbekiston Respublikasi o‘rtasida qo‘llash haqidagi Bayonnomani ratifikatsiya qilish to‘g‘risida”gi Qonunni imzoladi. Bu haqda Qozog‘iston rahbari rasmiy sayti bergan ma’lumotga tayanib Gazeta.uz xabar berdi.
MDH Erkin savdo hududi haqidagi shartnoma erkin savdo hududining samarali ishlashi, jahon iqtisodiyoti va xalqaro savdo tizimida tovarlar hamda integratsiyalar erkin harakati uchun shart-sharoitlar shakllantirish kabi maqsadlarni o‘z ichiga olgan.
Ushbu Bayonnoma 2013-yil 31-may kuni Minsk shahrida bo‘lib o‘tgan MDH davlatlari hukumat rahbarlari ishtirokidagi yig‘ilishda imzolangan edi.
2020-yil 31-dekabrga qadar yoki O‘zbekiston Butunjahon savdo tashkilotiga qo‘shilgunicha O‘zbekiston va shartnoma tomonlari Tariflar va savdo bo‘yicha bosh kelishuvning III moddasiga binoan o‘zaro savdoda milliy rejimni taqdim etish majburiyatlaridan ozod etiladi.
Eslatib o‘tamiz, O‘zbekiston Respublikasi Prezidenti Islom Karimov 2013-yil 27-dekabr kuni “2011-yil 18-oktabrdagi Erkin savdo hududi to‘g‘risidagi Shartnomani uning Tomonlari va O‘zbekiston Respublikasi o‘rtasida qo‘llash haqidagi Bayonnomani ratifikatsiya qilish to‘g‘risida”gi Qonunga imzo chekdi.
2-aprel kuni esa Rossiya prezidenti Vladimir Putin “2011-yil 18-oktabrdagi erkin savdo to‘g‘risidagi shartnomani uning tomonlari va O‘zbekiston Respublikasi o‘rtasida qo‘llash haqidagi bayonnomani ratifikatsiya qilish to‘g‘risida”gi Federal qonunni imzoladi.
Izoh (0)