Toshkent davlat iqtisodiyot universiteti rektori Alisher Vahobov O‘zbekiston Oliy va o‘rta maxsus ta’lim vaziri etib tayinlandi. Bu haqda vazirlik va universitet vakillari ma’lumotiga tayanib “Kun” xabar berdi.
Alisher Vahobov avvalgi oliy va o‘rta maxsus ta’lim vaziri Bahodir Hodiyev o‘rniga tayinlandi. Hodiyev 2010-yil martidan beri vazirlikka rahbarlik qilib kelayotgan edi – vazirlikdan avval Hodiyev ham TDIUda rektor sifatida ishlagan.
Universitet vakilining ma’lum qilishicha, Vahobov 14-aprel kuni vazir etib tayinlangan va uning o‘rniga kim rektor bo‘lgani hozircha aniq emas.
“Kun”ning ma’lum qilishicha, Bahodir Hodiyev fan, ta’lim va madaniyat masalalari bo‘yicha O‘zbekiston Prezidenti davlat maslahatchisi etib tayinlangan. Ushbu lavozimda 2013-yildan beri ishlab kelgan Jahongir Ismoilov 10-apreldan Vazirlar Mahkamasi huzuridagi Davlat test markazi direktori etib tayinlangan.
Izoh (0)