“Yandeks”ning daromadi “Birinchi kanal”nikidan oshib ketdi

2013-yil yakunlari bo‘yicha “Yandeks” Rossiyaning Birinchi kanalidan o‘zib ketdi va mamlakatdagi eng yirik mediaga aylandi. “Yandeks” ma’lumotlariga ko‘ra, internet-qidiruvchining o‘tgan yildagi daromadi 37 foizga o‘sib, 39,5 milliard rublga yetdi. Bu Birinchi kanalnikidan chorak marta ko‘p demakdir. Bu haqda “Sukerberg pozvonit” nashri xabar berdi.

Birinchi kanalning o‘tgan yildagi tushumi esa atigi 1,6 foizga oshdi va 29,6 milliard rublni tashkil etdi. Ayni vaqtda butun telereklama bozori 9 foizga o‘sdi. Internetdagi reklama byudjeti keskin ko‘payishiga qaramay, runetning daromadi telekanallarnikidan ikki marta kamdir. Rossiya Kommunikatsiya agentliklari assotsiatsiyasi ma’lumotiga ko‘ra, internet-reklama bozori 27 foizga o‘sib, 71,7 milliard, telereklama bozori esa 9 foizga oshib, 156,2 milliard rublni tashkil qildi.

2012-yilning bahorida “Yandeks” 12—54 yoshdagi auditoriya bo‘yicha “Birinchi”ni ortda qoldirgan edi. Bugungi kunda “Yandeks”ga har kuni 20 million kishi tashrif buyursa, Birinchi kanalni 21,8 million aholi tomosha qiladi.