2014-yilning 27-martidan 3-apreliga qadar Chexiyaning Praga shahrida bo‘lib o‘tgan “Praganing mo‘jizaviy yulduzlari” VI an’anaviy xalqaro bolalar ijodiyoti ko‘rik-tanlovida Chirchiq shahridagi 7-bolalar musiqa va san’at maktabi o‘quvchilari muvaffaqiyatli ishtirok etib, bosh mukofot va birinchi o‘rin sohiblari bo‘ldi. Bu haqda O‘zA xabar berdi.
Pragada o‘tgan xalqaro tanlovda 30 dan ortiq davlatdan o‘quvchi-yoshlar turli yo‘nalishlarda o‘z iste’dodini namoyish etdi.
Chirchiq shahridagi 7-bolalar musiqa va san’at maktabining 2-sinf o‘quvchisi Temur Mirahmedov fortepiano ijrochiligi bo‘yicha tanlovning bosh mukofotiga sazovor bo‘ldi. Ayni paytda mazkur maktab o‘quvchilari Sevinch Mirg‘ulomova, Asadbek Madiyorov, Eleonora Abdurahmonova, Yelena Gurchina, Rauan Safaraliyev bolalar liboslari namoyishi, xalq amaliy san’ati, fleyta ijrochiligi, xoreografiya kabi yo‘nalishlarda birinchi o‘ringa loyiq topildi.
Izoh (0)