Keyingi bir oy davomida jahondagi o‘n to‘rtta yirik texnologik kompaniya o‘z narxlarining salkam beshdan bir qismi, ya’ni 275 milliard dollaridan ayrildilar. Texnologiya sohasidagi firmalarning yo‘qotishi 2008-yilgi moliyaviy inqirozdan keyingi eng yirigi bo‘ldi. Bu to‘g‘rida The Financial Times nashri xabar qilmoqda.
Xususan, NASDAQ birjasida biotexnologik kompaniyalar indeksi fevral oxiridan buyon salkam 20 foizga tushib ketdi. Dasturiy ta’minot ishlab chiqaruvchi Workday, Splunk va Fire-Eye kabi yangi kompaniyalar esa 30—40 foiz yo‘qotganlar.
AQShning yetakchi internet-kompaniyalaridan Facebook 22 foizga, Twitter va LinkedIn 40 foizga, Google esa 12 foizga pastlagan.
Narxlar pasayishi Amerikadan tashqari, Sharqiy Osiyo kompaniyalariga ham tegishli bo‘ldi. Xitoyning Tencent guruhi qimmatli qog‘ozlari narxi Gonkong birjasida 20 foizga pasaydi. Koreyaning Naver kompaniyasi 10 foiz, Yaponiyaning Rakuten kompaniyasi esa 7 foizga pastladi.
Izoh (0)