O‘zbekistonda yangi “Bioplant” preparatining klinikagacha bo‘lgan sinov ishlari muvaffaqiyatli kechdi. U jarrohlik va tibbiy kosmetologiyada qo‘llanilishi ko‘zda tutilgan, deya xabar berdi “Turkiston-press”.
Yangi preparat surunkali, uzoqqa cho‘zilgan, kuygan yaralar, teri qatlami va yumshoq to‘qimalar nuqsonlariga qarshi ishlatiladi.
“Bioplant”ni O‘zbekiston Fanlar Akademiyasi akademik Sodiqov nomidagi Bioorganik kimyo instituti mutaxassislari ishlab chiqishdi.
Preparat asosini organizmdagi biriktiruvchi hujayralar tarkibida mavjud bo‘lgan, uni elastiklik va mustahkamlik bilan ta’minlaydigan kollagen — oqsil tashkil etadi.
Ayni paytda preparat qo‘llanilishi bo‘yicha normativ hujjatlashtirish ishlari olib borilmoqda. Oldinda esa uni klinik sinovlar kutmoqda.
Izoh (0)