8-aprel kuni Toshkentda mashinalar orqali o‘qiladigan yo‘l hujjatlari va sayohatchi identifikatsiyasini boshqarish bo‘yicha hududiy seminar o‘z ishini boshladi. U 10-aprelga qadar davom etadi, deya xabar berdi UzDaily.
Seminar Fuqarolar aviatsiyasi xalqaro tashkiloti (ICAO), Yevropada xavfsizlik va hamkorlik tashkiloti (YeXHT) tomonidan O‘zbekistonda biometrik pasport tizimini joriy qilishda pudratchi vazifasini o‘tagan Fransiyaning Oberthur Technologies kompaniyasi hamkorligida tashkil qilindi.
Seminarda O‘rta Osiyo va Sharqiy Yevropa mamlakatlari hukumat delegatsiyalari, shuningdek, elektron pasportlar uchun qurilma va dasturiy ta’minot ishlab chiqaruvchi kompaniyalar qatnashdi.
Dunyo bo‘yicha pasportli chiplar 2001-yil 11-sentabr voqealaridan so‘ng yo‘lovchilar tashish xavfsizligini oshirish maqsadida muomalaga kiritilgan.
O‘zbekiston esa 2011-yil noyabrida biometrik pasport ishlab chiqarishni boshladi. O‘zbekiston Davlat personallashtirish markazi direktori Najmiddin To‘raxo‘jayevning ma’lum qilishicha, kuniga 16 mingta pasport ishlab chiqariladi. Ayni paytgacha 5 millionta pasport chiqarildi. “O‘zbekistonda jami 20 million kishi pasport bilan ta’minlanishi kerak”, — dedi u.
Izoh (0)