Kanadalik mashhur qo‘shiqchi Jastin Biberga Bugatti Veyron avtomobilini sovg‘a qilishdi. Qizil rangdagi giperkarning suratlari 8-aprel, seshanba kuni xonandaning Instagram ijtimoiy tarmog‘idagi shaxsiy sahifasida paydo bo‘ldi. 2 million yevrodan ziyodga baholanayotgan avtomobilni Biberga musiqachi va prodyuser Birdman sovg‘a qilgan.
Biberga tuhfa etilgan avtomobil — Grand Sport seriyasidagi Veyron’ning ochiq versiyasi dunyoda atigi 150 nusxada yaratilgan.
Ushbu mashina Biberning shaxsiy avtomobillari ichida beshinchi sportkar bo‘ldi. Ulardan birinchisi — Ferrari 430'ni Biber 2010-yil 16 yoshida sotib olgan. O‘sha yilning o‘zida musiqachi P.Diddy unga Lamborghini Gallardoni hadya etgan edi. Bundan tashqari, Jastinning shaxsiy avtoparkidan yana 2 ta supermashina: Lamborghini Aventador va Ferrari 458 Italia, shuningdek, Audi R8, Cadillac CTS, Range Rover Sport va 2 ta sport mototsikllari o‘rin olgan.
Eslatib o‘tamiz, Jastin Biber American Music Awards marosimining “Yil xonandasi”, shuningdek,“Gremmi” mukofotining “Eng yaxshi yangi ijrochi” va “Eng yaxshi pop-vokal albomi” yo‘nalishlaridagi sovrindori hisoblanadi. Aytish kerakki, Biber eng tartibsiz haydovchi ham hisoblanadi: uni bir necha marta avtomobilni boshqarishda tezlikni oshirgani uchun qo‘lga olishgan. Shu yilning yanvar oyida esa Biber Mayamida avtomobilni hujjatsiz va mast holda boshqarganligi uchun qamoqqa olingan edi.
Izoh (0)